Euskara Gaitasun Agiriak 2026: Bigarren azterketaldia
Formakuntza zentroek izen emateak oraindanik egin behar dituzte azterketak.eus plataformako beren sarbidetik
Banakako ** izen emateak*:
2026ko agorrilaren 17tik irailaren 6ra, gune honetan zuzenean.
gelditzen diren tokien arabera.
Izena emateko prozesua hiru urratsetan egin behar da:
1-Identifikatzea edo erregistratzea (kontu bat sortzea, ez baduzu aitzineko azterketaldi edo urte batean egin): zure helbide elektronikoaren bitartez
2-Izena ematea: hautatu den mailako izen emateko fitxa betez eta igorriz
Kasu! baitezpadakoa da une horretan aitzin-izenematea baieztatzen duen mezu elektronikoa eskuratzea
Oharra: aitzin-izenematea baieztatzen duen mezu elektronikoa eskuratu ez baduzu, egiaztatu spametan eta beharrez, deitu EEPra.
3- Ordainketa. Izen emate saria: 35 € banku biramenduz (zehaztuz zure izen-deitura eta azterketa maila): izen ematea lehen deialdirako baieztatua izanen delarik, ordainketa egiteko BNA igorriko dizugu.
Azkenik, ordainketaren egiaztagiria igor azterketak
azterketak.eus helbidera.
Ordainketak lehen deialdirako egiteko epea: 2026ko irailaren 11a.
Ondoko egunetan beste mezu bat igorriko dizugu datu pertsonalak ongi diren egiaztatzeko: adi egon azterketak gaindituz gero, agiri ofizialean agertuko diren datuak baitira.
Ondotik, ordainketa bururatua delarik, azterketak baino egun batzuk lehenago, beste mezu bat eskuratuko duzu posta elektronikoz. Izen-emate agiri hori azterketa eguneko deialdia da eta idatziaren egunean aurkeztu beharko da.
* Antolaketa eta baliabide arrazoiak direla medio, azterketari kopuru mugatua onartuko da azterketara, baldintza geografikoa kontuan hartuz: frantziar Estatuan, sortu, bizi, lan egin edo ikasten ari diren kandidatuak baizik ez dira onartuko.
** Beren ikasleak EGAk agirietara prestatzeko EEPren gaikuntza duten formakuntza zentroetan ikasleen izen emateak, taldeka eginen dituzte formakuntza zentroek berek.
Azterketaren lehen zatia:
Honako egutegia urtean zehar moldatzen ahalko da, antolaketa beharrek hala eskatzen badute.
- C1 mailako azterketa: irailaren 26an, Baionako fakultatean (Collège EEI) Platanoen bidea, 8 - 64100 BAYONNE - BAIONA
- EGAk A2 azterketako izen emateak formakuntza zentroek taldeka egin behar dituzte eta irailaren 26an iraganen ere da azterketa idatzia, toki berean
- B2 mailako azterketa: idatzizko azterketa elektronikoa, azaroaren 21ean, hainbat azterketa-zentrotan (azterketari bakoitzak xehetasunak bere azterketa-deialdian eskuratuko ditu ast bat lehenago)
C1 mailako azterketaren 2026ko bigarren deialdiko egutegi osoa
• Azterketarien behin betiko izen ematea (e-postaz***): irailaren 14an.
• Proba idatziak: irailaren 26an.
• Azterketa idatziaren emaitzak (e-postaz***): urriaren 14an berantenez
• Ahozko azterketak: urriaren 17an
B2 mailako azterketaren 2026ko egutegi osoa: izen emate kopuruaren arabera
• Azterketarien behin betiko izen ematea (e-postaz***): azaroaren 14an.
• Proba idatziak ordenagailuz: azaroaren 21ean
• Azterketa idatziaren emaitzak (e-postaz***): abenduaren 9an berantenez
• Ahozko azterketak: abenduaren 12an Baionako fakultatean
***Ongi begira baztergarrien karpetan (spam) ere badaezpada
Informazioa
2026 EGAk B2 antolamendu arauak
