Euskara Gaitasun Agiriak 2026: Lehen azterketaldia
Banakako** izen emateak*:
2026ko martxoaren 1etik 31ra, gune honetan zuzenean.
Izena emateko prozesua hiru urratsetan egin behar da:
1-Identifikatzea edo erregistratzea (kontu bat sortzea, ez baduzu aitzineko azterketaldi edo urte batean egin): zure helbide elektronikoaren bitartez
2-Izena ematea: hautatu den mailako izen emateko fitxa betez eta igorriz
Kasu! baitezpadakoa da une horretan aitzin-izenematea baieztatzen duen mezu elektronikoa eskuratzea
Oharra: aitzin-izenematea baieztatzen duen mezu elektronikoa eskuratu ez baduzu, egiaztatu spametan eta beharrez, deitu EEPra.
3- Ordainketa. Izen emate saria: 35 € banku biramenduz (zehaztuz zure izen-deitura eta azterketa maila):
RIB: 30001 00178 C6430000000 83
IBAN: FR89 3000 1001 78C6 4300 0000 083
BIC: BDFEFRPPCT
Azkenik, ordainketaren egiaztagiria igor azterketak
azterketak.eus helbidera.
Ordainketak egiteko epea: 2026ko apirilaren 3a.
Ondoko egunetan beste mezu bat igorriko dizugu datu pertsonalak ongi diren egiaztatzeko: adi egon azterketak gaindituz gero, agiri ofizialean agertuko diren datuak baitira.
Ondotik, ordainketa bururatua delarik, azterketak baino egun batzuk lehenago, beste mezu bat eskuratuko duzu posta elektronikoz. Izen-emate agiri hori azterketa eguneko deialdia da eta idatziaren egunean aurkeztu beharko da.
* Antolaketa eta baliabide arrazoiak direla medio, azterketari kopuru mugatua onartuko da azterketara, baldintza geografikoa kontuan hartuz: frantziar Estatuan, sortu, bizi, lan egin edo ikasten ari diren kandidatuak baizik ez dira onartuko.
**Beren ikasleak EGAk agirietara prestatzeko EEPren gaikuntza duten formakuntza zentroetan, taldeka eginen dituzte formakuntza zentroek berek. Formakuntza zentroei aitzin-izenemateak urtarriletik egin ditzaten eskatu zaie.
Azterketaren lehen zatia:
Egutegi hau urtean zehar moldatzen ahalko da, antolaketa beharrek hala eskatzen badute.
- EGAk C1 azterketa: maiatzaren 30ean, Baionako fakultatean
- EGAk B1 azterketa: maiatzaren 30ean, Baionako fakultatean
Platanoen bidea, 8 - 64100 BAYONNE - BAIONA
EGAk C1 azterketaren 2026ko lehen deialdiko egutegi osoa:
• Azterketariei izen-ematearen jakinarazpena (deialdia) mezu elektronikoz***: maiatzaren 25ean.
• Proba idatziak: maiatzaren 30ean.
• Azterketa idatziaren emaitzak (mezu elektronikoz***): ekainaren 17an berantenez
• Ahozko azterketarako deialdia (mezu elektronikoz***): ekainaren 18an
• Ahozko azterketak: ekainaren 20an
***Ongi begira baztergarrien kutxan ere badaezpada
EGAk B1 azterketaren 2026ko egutegi osoa:
• Azterketariei izen-ematearen jakinarazpena mezu elektronikoz***: maiatzaren 25ean.
• Proba idatziak: maiatzaren 30ean.
• Azterketa idatziaren emaitzak (mezu elektronikoz***): ekainaren 10ean edo 17an berantenez
• Ahozko azterketarako deialdia (mezu elektronikoz***): ekainaren 11n edo 18an
• Ahozko azterketak: ekainaren 13an edota 20an
***Ongi begira baztergarrien karpetan (spam) ere badaezpada
Informazioa
2026 EGAk C1 eskuorria
2026 EGA C1 antolamendu arauak
2026 EGAk B1 eskuorria
2026 EGAk B1 antolamendu arauak
