Ikastetxeek bultzatutako hizkuntza egitasmoen garapena

Ikastetxeen Proiektu Deialdia 2010-11

Euskararen Erakunde Publikoak euskarazko eta euskararen irakaskuntza eskaintzen duten eskolei zuzendua den 2010-11 ikasturteko proiektu deialdia abiatu du.

Aurkeztuko diren proiektuak euskararen erabilerari buruzkoak izan behar dira.

Hots, ikastetxean edo ikasleen artean euskara sustatzeko, ikasleen motibazioa handitzeko eta euskararen irakaskuntzan, irakasle taldeen indarrak azkartzeko.

Lagunduko diren proiektuak 2010/2011 ikasturtean gauzatu beharko dira.

Zure proiektua aurkezteko, deskargatu ondoko dokumentuak :

Euskarazko irakaskuntza eskaintzen duten eskoletako zuzendaritza eta irakasle taldeek, erregularki abiatzen dituzte eskola eremutik kanpo euskararen erabilpenaren bultzatzeko ekimenak : beste eskolekiko trukaketak, ahozkotasunaren bultzatzeko kultura tailerrak, animazio desberdinak …

Testuinguru soziolinguistikoa kontutan hartuz, sail elebidunean eskolatuak diren ikasleen gehiengo nagusia familia erdaldunetatik heldu delarik, gisa honetako egitasmoek azkarki laguntzen dute sail elebidunen egonkortzen, izan ere, eskola ordutegitik haratago euskararen erabilpenaren jendarteratzeko gaitasuna baitute, eskolaren baitan euskararen baliatzea sustatuz, kurtsoetatik kanpo, bide batez ikasleen motibapena lagunduz bai eta familia eta irakasleena ere.

Elkarte eta eragile pribatuentzako Proiektu Deialdia ez baita eskolen eskaerei irekia, eskolek eramandako hizkuntza proiektuen laguntzeko, 2007ko abenduaren 19ko Administrazio Kontseiluan 40.000 €ko fondo baten martxan ezartzea erabaki zen.

Lehen proiektu deialdia 2009an

2009an, hiru sareetako 73 ikastetxeek aurkeztu dituzte 152 proiektu.

Batzorde tekniko batek proiektuak aztertu ditu. Euskarazko irakaskuntzaz arduratzen den Ikuskaria den Cohéré Andereak, bigarren mailako ikuskaritza kargudun den Sarraillet Jaunak, Aholkulari pedagogikoa den Haran Jaunak eta EEPko zerbitzuek osatzen zuten batzorde hori.

2009ko abenduaren 15eko Administrazio Kontseiluak deialdi honi buruzko emaitza bozkatu du.

Erabakia kontsultatu.


Informaziorako : 2008ko proiektu deialdiari buruzko bilana

Erabakia hemen eskuragarri duzue